Spesery geroosterde groente met haloumi en saadjies

Resep deur Vickie de Beer. Foto Lee Schwagele crphotographic.co.za

Genoeg vir vier.

Bestanddele

• 1 t (5 ml) fyngekapte knoffel
• 1 t (5 ml) komyn
• 1 t (5 ml) vinkelsaadjies
• 1 t (5 ml) koljandersaad
• ½ t (2,5 ml) gerookte paprika
• ½ k (125 ml) olyfolie
• 1 groot patat, skoongeskrop en in blokke opgesny
• 6-8 babawortels
• 3 rooi-uie, in kwarte gesny
• 1 blomkool en 1 broccoli, in blommetjies gesny
• 3 e (45 ml) olyfolie
• 400 g haloumi, in 3 cm-blokke gesny
• ¼ k (60 ml) elk pampoensaad, sonneblomsaad en gevlokte amandels

Metode

1. Verhit die oond tot 200 ˚C.
2. Meng die knoffel, komyn, vinkel, koljander, gerookte paprika en olyfolie in ’n groot mengbak.
3. Voeg die groente by die spesery-olie, meng goed en skep in ’n groot oondpan.
4. Rooster die groente vir 30-40 min, of tot gaar. Voeg die haloumi en saadjies by as daar 10 min. van die roostertyd oor is.
5. Haal uit en laat afkoel voordat jy dit vir die week in ’n digsluitende houer bêre.