Agter ons rekordbrekende goue seun is daar ’n Tannie Ans, en volgens ons susterkoerant, die Bloemfontein Courant, het die internasionale atletiekgesag, die IAAF, haar erken as afrigter van die jaar vir 2017.
Die Namibiër Ans Botha (75), wat nou in Bloemfontein woon en die Universiteit van Vrystaat se atlete afrig, was op haar dag self ’n atleet. Sy het haar dogter begin afrig omdat sy nie ’n paslike afrigter in Namibië kon vind nie en later het sy ander atlete begin help om hul volle potensiaal te bereik. Een van haar bekendste atlete is Wayde van Niekerk.
Wayde, Tannie Ans se steratleet, is in Oktober vanjaar met sy verloofde Cheshney getroud. Hy is ook tans besig om te herstel van beserings en sal eers later volgende jaar weer begin deelneem aan kompetisies.
Can’t wait to spend the rest of my life with you @Neshney. So blessed to start this next adventure with the girl of my dreams! I ♥️ you! pic.twitter.com/mhr0SNOwZE
— Wayde van Niekerk (@WaydeDreamer) October 29, 2017
Wayde is self ’n finalis vir die IAAF se toekenning vir die Beste Manlike Atleet vir 2017. Hy sal later vandeesmaand (op 24 November 2017) hoor of hy met hierdie titel wegstap. Sy kompetisie vir hierdie erkenning is Mutaz Essa Barshim (die hoogspringatleet van Katar) en Mo Farah (die Britse langafstandatleet). Die finaliste vir Beste Vroulike Atleet 2017 is Almaz Ayana (die langafstandatleet van Ethiopië), Ekaterini Stefanidi (die Griekse paalspringatleet) en Nafissatou Thiam (die Belgiese multi-sport atleet).
400m world champion
200m world silver medallist
World lead at 400m
World best at 200m@WaydeDreamer #AthleticsAwards pic.twitter.com/NF5vZnC3Xq— IAAF (@iaaforg) November 9, 2017
Lees Meer
