Rafeltjie-varkvleis op gestoomde Oosterse rolletjies | rooi rose
Mon-Fri 09.00 - 17.00

Rafeltjie-varkvleis op gestoomde Oosterse rolletjies

06/12/2019

Rafeltjie-varkvleis op gestoomde Oosterse rolletjies  deur Vickie de Beer, bygestaan deur Gillionelle Kaba. Foto: Lee Schwagele van CRPhotographic

 

Rafeltjie-varkvleis op gestoomde Oosterse rolletjies

Serves: Genoeg om 12 broodrolletjies te vul Nutrition facts: 200 calories 20 grams fat

Ingredients

  • Genoeg om 12 broodjies te vul
  • Gestoomde Oosterse rolletjies
  • 30 g (2 e) varkvet, gesmelt
  • 5 g (1½ t) kitsgis
  • 35 g (2½ e) strooisuiker
  • 95 g (¼ k) koekmeel
  • 300 g (2 k) broodmeel
  • knypie sout
  •  
  • Rafeltjie-varkvleis
  • 1,2 kg varknek, sonder been
  • sout
  • 15 ml (1 e) vinkelsaad
  • 30 ml (2 e) olyfolie
  • 1 lemoen, in ringe gesny
  • 1 ui in ringe gesny
  • 1 vinkelknol, in ringe gesny
  • 4 steranyspeule
  •  
  • Oosterse koolslaai
  • 1 klein rooikool, dun gesny
  • 1 klein kool, dun gesny
  • 2-3 middelslagwortels, dun gesny
  • 1 rooi brandrissie, fyngekap
  • knypie sout
  •  
  • Slaaisous
  • 15 ml lemmetjiesap
  • 15 ml sojasous
  • 5 ml heuning
  • sesamsaad vir opdiening
  •  

Instructions

Gestoomde rolletjies

1 Gebruik ’n elektriese staanmenger en heg die deeghaak aan. Meng al die bestanddele by ’n lae spoed tot die deeg bymekaarkom. Knie die deeg vir 10 min. tot glad en blink. Sit in ’n goed gesmeerde bak en laat rys vir ’n uur op ’n warm plek, of tot dubbel die grootte.

2 Verdeel die deeg in 12 x 52 g-balletjies. Bedek met ’n skoon, droë kombuisdoek en laat rys vir 20 min. op ’n warm plek. Sit ’n bamboesstomer, uitgevoer met bakpapier, oor ’n pan vol water, of voer ’n groot sif met bakpapier uit en sit oor ’n kastrol vol water.

3 Pak 3-4 broodjies op ’n slag in die stomer en stoom vir sowat 14 min. en laat rus vir ’n halfuur. Herhaal tot al die broodjies gaar is.

 

Rafeltjie-varkvleis

1 Geur die vark met sout en vryf die vinkelsaad oor die vleis. Verbruin die vleis alkant in die olyfolie in ’n groot swaarboom-kastrol. Lig die vleis uit die kastrol en sit die lemoenringe, uie, vinkel en steranyspeule in die kastrol. Sit die vleis bo-op.

2 Sit die deksel op en laat prut liggies vir 3 uur oor lae hitte. Draai nou en dan om. Trek van die hitte af en trek die vleis met 2 vurke in rafeltjies. Meng die vleis deur die saggekookte uie en vinkel en enige sous wat in die kastrol is. Hou eenkant  tot benodig.

 

Koolslaai

1 Meng al die bestanddele in ’n mengbak. Sprinkel die sous en sesamsaad net voor opdiening oor.

 

Opdiening

2 Sny die broodjies oop en skep die rafeltjievleis en krakerige koolslaai daarop.

 



Catherine Schenck

Lees Meer

Stroperige pynappel-en-gemmer-poeding
24/04/2026
Suurlemoen-meringue-koek
22/04/2026
Spinasie-en-ricotta-kluitjies
16/04/2026

  • Lees meer