Appelkooskoekies

Ouma Botha se appelkooskoekies deur Vickie de Beer. 

Sowat 120 koekies.

Bestanddele

• 500 g (4 k) koekmeel
• ’n knypie sout
• 7,5 ml (½ e) koeksoda
• 400 g (2 k) suiker
• 220 g (1 k) botter
• 2 eiers
• 60 ml (¼ k) fyn appelkooskonfyt

Metode

Voorverhit die oond tot 180 °C. Voer ’n bakplaat met bakpapier uit, of spuit met kleefwerende kossproei.

1. Sif die meel, sout en koeksoda saam in ’n groot mengbak.
2. Klits die suiker, botter, eiers en appelkooskonfyt saam tot die bestanddele goed gemeng is. Voeg by die droë bestanddele en meng deeglik.
3. Rol die deeg in balletjies met ’n deursnee van sowat 5 cm, pak op die voorbereide bakplaat uit en druk effens platter met ’n vurk.
4. Bak vir sowat 10 min. tot die koekies gaar en ligbruin is.
5. Haal uit en laat op ’n draadrakkie afkoel. Stoor in ’n lugdigte houer.