Resep deur Teresa Ulyate vir Juicy Delicious
6 porsies
Bestanddele:
6 vorms vir ysstokkies
250 g ryp nektariens (ongeveer 2)
45 ml (3 e) water
10 ml (2 t) growwe suiker (Muscovado)
300 ml gewone volroomjogurt
5 mℓ (1 t) vanieljegeursel
15 mℓ (1 e) heuning
150 g witsjokolade, gesmelt (opsioneel)
Metode:
1. Sny nektariens in klein stukke. Gooi pitte weg. Plaas vrugte, water en suiker in klein pot en meng oor matige hitte tot suiker oplos. Laat liggies vir 10 minute prut of tot vrugte sag is. Haal af van hitte en laat toe om af te koel. Plaas in voedselverwerker (of handmenger) en verwerk tot ’n puree. As jy nie ’n verwerker het nie, kan jy die vrugte met ’n vurk fynmaak. Plaas opsy.
2. Plaas jogurt, vanielje en heuning in aparte bak en meng goed saam. Voeg nektarienpuree by en skommel dit een of twee keer in die rondte sodat strepies in die mengsel agterbly.
3. Skep mengsel in vorms vir ysstokkies. Plaas in vrieskas en laat staan vir ongeveer vyf uur or oornag tot heeltemal gevries. Wanneer dit gevries is, laat loop bietjie warm water oor die buitekant van elke vorm om ysstokkie los te maak. Verwyder en bedien.
Ander voorstelle vir bediening: Plaas gesmelte witsjokolade in glas en doop elke nektarienysstokkie halfpad in om te bedek. Plaas opsy om te stol en voor te sit.
Lees ook: Appelkoos-yskastert
Lees Meer
