Natasha Joubert gekroon as Mej Suid-Afrika 2023

Natasha Joubert is as Mej Suid-Afrika 2023 gekroon.

Mej. Suid-Afrika het op Sondag 13 Augustus by die Sun Bet Arena by Time Square Menlyn in Pretoria plaasgevind.

Bonang Matheba het haar terugkeer as seremoniemeester vir die kompetisie gemaak en die sterbelaaide paneel van beoordelaars het uit Leandie du Randt, Devi Sankaree Govender, Mej Heelal R’bonney Nola, Thuso Mbedu en Jo-Ann Strauss bestaan.

Mej. Suid-Afrika 2022, Ndavi Nokeri, se raad aan die nuwe Mej Suid-Afrika, wat sy later sou kroon, was:

“Die kroon definieer nie jou en die vrou wat jy is nie, jy definieer hierdie kroon.”

View this post on Instagram

A post shared by Miss South Africa (@official_misssa)

In wat die kompetisie sy “mees keurige oomblik van die aand” genoem het, moes die top vyf finaliste, Homba Mazaleni (23), Nande Mabala (25), Natasha Joubert (25), Bryoni Govender (26), Melissa Nayimuli (27), dit in vraerondtes uitspook om te bepaal wie die kroon sou dra.

Nande Mabala het die derde plek behaal, met Bryoni Govender wat die naaswenner-titel ingepalm het en Natasha Joubert wat haar kroon as Mej Suid-Afrika 2023 verdien het.

View this post on Instagram

A post shared by Miss South Africa (@official_misssa)

Die 25-jarige, afkomstig van Pretoria in Gauteng, is ‘n BCom Bemarkingsbestuur-gegradueerde en die eienaar en ontwerper van Natalia Jefferys, ‘n modehandelsmerk wat sy op 19-jarige ouderdom begin het.

Baie herken Joubert dalk van Mej Suid-Afrika 2020, toe sy as naaswenner aangekondig is en Suid-Afrika in 2021 by die Mej Heelal-kompetisie verteenwoordig het.

Nie net kry die nuwe Mej Suid-Afrika ‘n splinternuwe kroon nie, sy ontvang ook pryse en borgskappe ter waarde van meer as R3 miljoen.

Natasha het ure voor die groot geleentheid Sondag ‘n plasing op Instagram gedeel:

“Ek is hier, reg vir jou Suid-Afrika. Vanaand is die aand.”