Bravo! sal van Donderdag 11 April om 21:00 op kykNET in plaas van Sondae om 18:00 uitgesaai word.
Bravo! is vir meer as ’n dekade een van kykNET se ankerprogramme en gee sedert 2012 vir kykers ’n blik op die Suid-Afrikaanse glanswêreld, gepaardgaande met kuiers in die binnekringe van bekendes. Die program word deur Ewan Strydom, Reynard Slabbert en Marciel Hopkins aangebied.
Lees ook: Margaret se Wêreld: Die 30ste Screen Actors Guild-toekennings
Ewan is ook die aanbieder van die werklikheidsreeks, Plaasjapie, waarvan die tweede seisoen op 18 April om 20:00 op kykNET begin.
“Dit is vir my ’n groot voorreg om van April eers Donderdae ’n stofpadraai by Plaasjapie te gooi om te wys hoe die stadsjapies swoeg en sweet, en dan direk na daarna koers te kies na die rooitapyt,” sê hy
“Gelukkig is ek ewe tuis in ’n stywe Boerboel-kortbroek en -hemp, as ’n swierige swart pak!”
Weens hierdie skeduleverandering, gaan Fiësta, wat ook reeds vir sowat tien jaar deel is van die kykNET-spyskaart, vanaf 7 April om 18:00 op Sondae uitsaai.
