Parmaham-en-papaja-stokkies

Genoeg vir 10 stokkies.

Bestanddele

• 1 groot papaja of spanspek, geskil en pitte uitgekrap
• 10 lappies parmaham
• 20 groot basiliekruidblare

Sous

• Meng 75 ml olyfolie, 30 ml balsemiekasyn, 10 ml lemmetjiesap en 5 ml bruinsuiker. Geur met sout.

Metode

1. Sny die papaja in happiegrootte blokkies.
2. Vou die parmaham in konsertinavoutjies en steek op ’n lang stokkie.
3. Vou ’n basiliekruid-blaar en ryg ook op die stokkie.
4. Ryg ’n papajablokkie op elke stokkie en voltooi met ’n basiliekruidblaar.
5. Herhaal met die res van die bestanddele op die ander stokkies.
6. Sit met die balsemieksous voor.