Swartpeper-en-bessie-pizza

Ingredients

Swartpeper en bessies is goeie pasmaats. Sit dié interessante pizza as voorgereg by ’n lekker braai voor. Koop klaarbereide brooddeeg as dit na te veel werk klink om deeg te knie. Jy kan ook dun lappies parmaham byvoeg om die pizza nog spesialer te maak.
Brooddeeg
500 g (875 ml) koekmeel
5 ml (1 t) sout
10 g (1 sakkie) kitsgis
30 ml (2 e) grof gemaalde swartpeper
375 ml (1½ k) louwarm water
60 ml (4 e) olyfolie om bo-oor te sprinkel
15 ml (3 t) seesout om bo-oor te strooi
Bolaag
250 ml (1 houer) crème fraîche (of suurroom)
400 g (sowat 3 hande vol) bessies
soos frambose, swartbessies, moerbeie en bloubessies
’n hand vol kruieblaartjies en baba-blaartjies soos roket- en slaaiblare
30 ml (2 e) olyfolie vir bo-oor
ekstra grof gemaalde swartpeper vir bo-oor

Instructions

Brooddeeg:
1 Meng die koekmeel, sout, gis en swartpeper. Maak ’n holte in die middel van die droë bestanddele en voeg die louwarm water bietjie vir bietjie by en meng tot die deeg bymekaarkom. Knie vir sowat 10 min. en laat rys vir 30 min. op ’n warm plek. Knie af, vorm 4 balletjies en bedek met ’n klam lap.
2 Verhit die oond tot 200 °C. Maak ’n groot bakplaat in die oond warm.
3 Rol die deeg dun uit op ’n skoon werkvlak wat liggies met meel bestrooi is. Ons het langwerpige pizzas gemaak, maar jy kan rondes uitrol.
4 Sit die uitgerolde pizza op die warm bakplaat en sprinkel olyfolie en sout oor.
5 Bak vir 10-15 min. tot goudbruin en haal uit. Herhaal met die res van die deeg.
6 Skep groot lepels vol van die crème fraîche hier en daar op die pizza. Strooi die bessies en die blaartjies tussenin.
7 Sprinkel nog ’n bietjie olyfolie en swartpeper oor en smul.

pizza ons 5 gunstelinge bessies

Rooi Rose

Lees Meer

Basiese pizzadeeg

22/04/2024

Pizza in ’n kits

12/03/2024

Franse roosterbrood met bloubessies

05/03/2024