Vinnige salmpasta

Genoeg vir 4.

Bestanddele

• 500 g vars pasta, soos tagliatelle of spaghetti
• 250 ml (1 k) vars room
• 250 ml (1 k) van die pasta se water, of geurige water
• 125 ml (½ k) gerasperde parmesaankaas
• gerasperde skil en sap van 1 groot suurlemoen
• sout en gemaalde swartpeper
• ’n hand vol vars basiliekruidblare
• 1 koppie gaar salm (of enige witvis), gevlok

Metode

1. Kook die pasta in borrelende kookwater tot al dente (sag, maar ferm). Dreineer en behou 250 ml van die vloeistof.
2. Sit die pasta terug in die kastrol en voeg die room, water, parmesaankaas, suurlemoensap en -skil by. Meng goed tot deurwarm.
3. Geur met sout en gemaalde swartpeper.
4. Voeg die salm by en meng goed.
5. Roer die basiliekruidblare deur die pasta en sit onmiddellik voor.