Dit hang alles af van hoe streng ek met myself is en hoe my training gaan, maar ek is uit en uit ’n soet tand ! Ek is mal oor gesmelte Nutella met gesnyde stukkies aarbeie daarby. Dankie rooi rose, daar gaan my dieet vir die dag.
– Marilyn Ramos, Mej. Suid-Afrika 2012
Ek bly altyd mal oor kaneelsuiker, maar hoender en sampioene òf ’n roomysvulsel bly ook altyd ’n gunsteling.
– Hennie Jacobs, 7de Laan-akteur en sanger
Dis maklik! Twee pannekoeke gevul met romerige hoender en sampioene. Ek het dit altyd as ’n kelner in Stellenbosch bedien en dit was ’n wenner!
– Ramey Short, Binnelanders-akteur
My gunstelingpannekoekvulsel is hoender-mayonnaise en roomkaas.
– Willem Botha, sanger en akteur
Daar is ’n plekkie aan die Suidkus (Natal), Mac Banana, wat die heerlikste pannekoeke maak. My gunstelingvulsel is piesang met bar-one-sous!
– Dunay Nortjè
My gunstelingpannekoekvulsel klink vreemd, maar probeer dit: Bovril en avokadopeer.
– Elma Smit, televisie- en radiopersoonlikheid
Klik hier vir ’n heerlike pannekoek met karamellemoene en gesoute karamelsous-resep.
Lees Meer
