Sjokolade-boombas

Sjokolade-boombas deur Vickie de Beer, bygestaan deur Martjie Malan. Foto: Lindy Kriek

Sjokoladeboombas is sekerlik een van maklikste én (as jy die regte sjokolade gebruik) gesondste soet-happies wat jy kan maak. Dit is ’n heerlike geskenk, of net ’n lekker manier om jou mense te bederf. Die geurkombinasies is eindeloos! Enige van jou gunsteling-geure kan oor die sjokolade gesprinkel word, soos stukkies koekies, gepofte rys, of ’n kombinasie van droëvrugte en neute.

Metode

1. Smelt 200 g (70%) gekapte donkersjokolade oor ’n dubbelkoker.
2. Lig die bakkie van die hitte af sodra die sjokolade gesmelt is en roer nog 100 g (70%) gekapte donkersjokolade by tot dit gesmelt is.
3. Gooi nou die sjokolade in ’n bakplaat wat met bakpapier uitgevoer en gesmeer is (ek het met die oog op Valentynsdag ’n hartjiepannetjie gebruik).
4. Sprinkel 50 g gevlokte amandels en 50 g droë bosbessies oor en laat stol.
5. Keer die sjokolade uit, of breek dit in stukke en smul!

Lees ook: Jy kán sjokolade smelt!

Verleidelike sjokoladekoek