Vir die eerste keer op die verhoog word die intieme en hartstogtelike liefdesbriewe tussen Ingrid Jonker en André P. Brink lewendig in Ingrid: ’n Vlam in die Sneeu. Hierdie aangrypende teaterproduksie, aangebied deur Scenario Productions, bied ‘n diep menslike blik op Jonker se wêreld—haar poësie, haar passie, en haar onblusbare soeke na vryheid wat haar lewe gevorm het.
Die produksie is geïnspireer deur Vlam in die Sneeu: Die liefdesbriewe tussen Jonker en Brink (Penguin Random House), die gepubliseerde versameling briewe wat die basis van hierdie roerende liefdesverhaal vorm. Deur hul kreatiewe insig het die produksiespan hierdie persoonlike skrywes verwek in ‘n asemrowende verhoogervaring—een wat Jonker se stem, liefde en poësie weer laat leef.
Lizelle Pike vertolk die komplekse rol van Ingrid Jonker en bring die digter se onblusbare gees, innerlike stryd en ongetemde kreatiwiteit na die verhoog. Die produksie word gelei deur die regisseurs Nadia Beukes, Tiaan Kirsten-Lubbe en Lian Sachse. Die teks en nuwe musikale toonsettings is die werk van die bekroonde digter en skrywer Jak J. Brits, wat Jonker se poësie met ‘n vars narratief en oorspronklike komposisies verweef. Die musikale landskap van die produksie word gevorm deur Chanie Jonker, wat as musikale regisseur en pianis optree.
Lees ook: Vyf-vinnige-vrae met Nadia Beukes oor haar eerste rol as regisseur in nuwe teaterproduksie
Nadia Beukes, wat haar regisseursdebuut maak, sê: “Dit is vir my ‘n ongelooflike voorreg om van ‘n kreatiewe oogpunt betrokke te wees by die ontwikkeling van hierdie produksie. Dit is ‘n storie wat nie net eer betoon aan twee mense se liefdesverhaal nie, maar ook ‘n inspirasie vir almal wat dit gaan beleef.”
Datums:
- 29 Mei 2025: Die Boer Teater en Restaurant, Durbanville
Kry kaartjies hier - 30 Mei 2025: Die Koelkamers Teater, Paternoster
Kry kaartjies hier - 31 Mei 2025: The Drama Factory, Strand
Kry kaartjies hier - 1 Junie 2025: Drostdy Boutique Teater, Stellenbosch
Kry kaartjies hier
Ons gee dubbelkaartjies na ‘n vertoning van ‘Ingrid: ‘n Vlam in die Sneeu’ weg!
Jy kan dubbelkaartjies vir hierdie vertoning wen:
📍 Stellenbosch – Sondag, 1 Junie om 15:00 by Drostdy Teater
Bepalings en voorwaardes: Alle pryse in rooi rose is onderhewig aan beskikbaarheid en is nie oordraagbaar, herverkoopbaar of terugbetaalbaar vir kontant nie. Hierdie kaartjies sluit nie reis- of verblyfkostes in nie. Wenners moet beskikbaar wees op 30 November. Vir nog bepalings en voorwaardes, besoek www.rooirose.co.za
Om in te skryf, voltooi die onderstaande vorm:
Sluitingsdatum: 27 Mei 2025
